خبر ترکی:
چتین گون‌لر اسکوچیچین قارشیسیندا
تراکتورلا پرسپولیس‌ین حذفی کاپ یاریشماسی ائرته‌له‌نیب. بو مسئله حاقدا بیر چوخ حاشییه یارانیب. یاریشمانین زامانی دراقان اسکوچیچ‌له اویونچولارینین ایسته‌یی ایله ده‌‌ییشیب. آنجاق گلن گون‌لرده اویون‌لارین دال با دال اولماسی اونلاری چوخ اینجیده‌جک‌دیر. تراکتورون میللی اویونچولاری تیمین اوردوسونا گئج قاییداجاق‌‌لار. او اوزدن یاریشمانین ائرته‌لنمه‌سی یاخشی اولای‌دیر. بوندان علاوه تراکتور- ملوان اویونو سوپرلیگ‌ده ده اؤز زامانیندا کئچیریلمه‌ییب. بو ایکی یاریشمانین کئچیریلمه‌سی اوچون اؤزل زامان تاپماق چتین ایش‌دیر. تراکتور داهی‌لر لیگاسیندا نسف قارشی ایله یاریشدیقدان سونرا، آذرین ۸, ۱۳, ۱۸-جی گون‌لرینده چادرملو، استقلال خوزستان، ذوب‌آهن تیم‌لری‌له یاریشاجاق‌دیر. ۱۴-جو هفته‌نین اویون‌لاری دا آذرین سون گون‌لرینده کئچیریله‌جک‌دیر. دی آیی‌نین ایلک گون‌لرینده حذفی کاپ‌ین اویون‌لاری کئچیریله‌جک‌دیر. هابئله سوپرلیگانین ۱۵-جی هفتهسینین یاریشمالاری دا دی آیی‌نین ایلک گون‌لرینده باشاچاتمالی‌دیر. او اوزدن قالان اویون‌لار دی آیی‌نین سونونا قدر کئچیریلمه‌لی‌دیر.
تراکتور فنی باخیمدان بیرینجی‌دیر
متریکا سایتی سوپرلیگانین ۱۰-جو هفتهسینین سونونا قدر تیم‌لری هابئله اویونچولارین فنی دورومونو آراشدیرمیش‌دیر. تراکتور باشقا تیم‌لرین آراسیندا فنی باخیمدان بیرینجی‌‌لیی قازانیب. آذربایجانین قیرمیزی کؤینک‌لی‌لری ۱۳ قول ووراراق سوپرلیگانین ایکینجی حمله خطینه مالیک‌دیرلر. بو گونه قدر ۶ دفعه اونلاری داروازاسی آچیلیب. او اوزدن تراکتورون دفاع خطی ده سوپرلیگ‌ده ایکینجی‌دیر. دراقان اسکوچیچین اویونچولاری ۱۵ دفعه ساری کارت آلیب‌لار. بو آمارلا اونلار سوپرلیگانین اَن دوزه‌نلی تیمی ساییلیرلار. هابئله تراکتور ۴ کلین‌شیت ایله جدول‌ده ایکینجی‌دیرلر. تراکتور ۷.۹۶ نومره‌ایله متریکانین آمارلارینا گؤره فنی باخیمدان سوپرلیگانین بیرینجی تیمی‌دیر. بو آمالار اومید وئریجی‌دیر.
یادگار استادیومونون چمنی مورخص‌لیک‌ده
سوپرلیگانین باشلانغیجیندان اؤنجه تراکتورون بیر نئچه هفته سونرا یادگارا قاییداجاغینا سؤز وئریلمیش‌ایدی. آنجاق ایندی اَن آزی ۱۲-جی هفته‌نین سونونا قدر تراکتور اویون‌لارینی بنیان‌دیزل‌ده کئچیرمک مجبوریتینده‌دیر. دراقان اسکوچیچین اویونچولاری اون‌بیرینجی و اون‌ایکینجی هفته‌لرده چادرملو ایله استقلال خوزستان تیم‌لری‌له یاریشاجاق‌‌لار. کئچن هفته استادیوم چمنی‌نین تعمیر ائتمه‌سی اوچون آلتمیش گون زامان ایسته‌‌نیلمیش. بئله‌لیکله دی آیی‌نین ایلک گونونه قدر یادگار استادیوموندا هئچ بیر یاریشما کئچیریلمه‌یه‌جک.
یاریشما: رقابت، مسابقه
آشاما: مرحله
سوره‌ج: فرآیند
مشق: تمرین
سونوج: نتیجه
ایلک: اول
قارشیسیندا:روبرویش
دوروم: موقعیت
اؤنملی: مهم
اؤده‌مک: پرداخت کردن
ائتکی: تأثیر
مشقچی: مربی
نظرات (0)