خبر ترکی:
مهرداد-میلاد؛ ائکیزلرین دوئلی
تیراختورلا پرسپولیسین یاریشماسی صاباح بنیاندیزل استادیوموندا کئچیریلهجک. بو یاریشمانین دیققت چکیجی مسئلهلریندن بیری میلاد محمدی ایله مهرداد محمدینین قارشیلاشماسیدیر. مهرداد یئنی فصلده تیراختورا قوشولموشدور. او اوزدن بو ایکی ائکیز قارداش تبریزده اوز-اوزه گلهجکلر. مهرداد بو گونه قدر تیراختوردا اویناماق اوچون یاخشی فورصت اَلده ائتمهمیشدیر. او تکجه تیراختور-شارجه اویونوندا مئیدانا گئتمیشدیر. میلاد دا پرسپولیسده هفتهلرجه فرقلی پستلاردا اویناییب هابئله نیمکتده اوتوردوقدان سونرا ذوبآهن-پرسپولیس یاریشماسیندا مئیدانا قاییتمیشدیر. او یاریشمادا قول پاسی وئردیکدن سونرا یئرینی برکیتمیشدیر.
یادگارین ایشی ایییرمی گون سونرا بیتهجک
حبیب مقصودی یادگار استادیومونون تیراختور-پرسپولیس یاریشماسیندا حاضیر اولاجاغینا سؤز وئردیینه رغمن ورزشگاه بو اویونا چاتمادی. بو مسئله چوخلارینین تنقیدینه سبب اولموشدور. ایندی ایسه دوغو آذربایجانین گنجلر و ورزش سوروملوسو استادیومون حاضیرلیغی حاقدا یئنی سؤزلر دئمیشدیر.
« تیراختور-پرسپولیس یاریشماسی چمنین حاضیر اولمادیغی اوچون بنیاندیزلده کئچیریلهجک. آنجاق چمن اَکمه سورهجی باشا چاتدیقدان سونرا قالان یاریشمالار اوردا اولاجاقدیر. یاخلاشیق ۲۰ گون سونرا ایشیمیز سونا چاتاجاقدیر.»
شاهین استادجو دا چمنین سون دورومون بئله بیلدیرمیشدیر:« هیبریدی چمن اَکمهنین اوچونجو آشاماسی تیراختور-الشرطه یاریشماسیندان سونرا اولاجاقدیر.»
اوسمار تیراختور-پرسپولیسه چاتمادی!
سوپرلیگانین ۹-جو هفتهسینده تیراختورلا پرسپولیس تیملری صاباح تبریزده یاریشاجاقلار. بو یاریشمادا پرسپولیسین رهبرلییی کریم باقرینین اَلینده اولاجاقدیر. باقری صاباحکی یاریشما حاقدا بئله دئمیشدیر:« رضا شکاری، امید عالیشاه، ابوالفضل بابایی مصدوم اولدوقلاری اوچون اویونو اَلدن وئرمیشلر. اوسمار پرسپولیسه قوشولوبدور آنجاق بو یاریشمادان سونرا تیمی اونا تاپشیراجاغیق. صاباح پرسپولیس من ایله امکداشلاریمین رهبرلییی ایله مئیدانا گئدهجکدیر. کئچیردیییمیز مشقلر اساسیندا اویونچولاری مئیدانا گؤندهرهجهییک. هاشمیانین کؤمکچیلاری بیزه یاردیم ائتمیشلر. اوسمار اؤزو ایله ایکی کؤمکچی گتیرمیشدیر. آنجاق کیم اولدوقلار بو گونه قدر بللی اولمامیش.»
یاریشما: رقابت، مسابقه
قارشیسیندا: روبرویش
یئنی: جدید
اؤزل: ویژه، خاص
قول: گل
قورخونج: ترسناک
اؤنملی: مهم
سویه: سطح
داهیلر لیگاسی:لیگ نخبگان
اورتالاما: میانگین
باشاری: موفقیت
سونوج: نتیجه
قارشیسیندا: روبرویش
نظرات (0)