خبر ترکی:
حسینزاده، علیپورون جیددی حریفی
تیراختور بو گون سیرجاندا شاشیردیجی سونوج قازانمیشدیر. امیرحسین حسینزاده اوچ قول ووراراق سوپرلیگانین اَن چوخ قول ووران اویونچولارینین آراسینا قاییتمیشدیر. او علی علیپورلا چوخ قول وورماق اوچون یاریشیر. حسینزاده بو گونه قدر بئش قول وورموشدور ( ایکی قول سپاهانا، اوچ قول گلگهره). علیپور دا فجر، سپاهان، فولاد، گلگهر(پنالتی)، ذوبآهن یاریشمالاریندا بئش قول وورموشدور. حسینزادهنین آماری علیپوردان داها یاخشیدیر. بو اویونچو سوپرکاپ، کافا هابئله فیفادی یاریشمالاریندا دا قول ووراراق یئنی فصلده قوللارینین سایینی اونا چاتدیرمیشدیر.
دانیالا ساغ-سولون فرقی یوخدور
دانیال اسماعیلیفر گلگهر-تیراختور یاریشماسیندا دفاع خطینین ساغ طرفینده اویونا باشلامیشدیر. یاریشمانین ۱۸-جی دقیقهسینده محمد نادری مصدوم اولدوغو اوچون مئیداندان چیخمیشدیر. صادق محرمی، نادرینین یئرینه مئیدانا گیرمیشدیر. اسماعیلیفر اؤز یئرینی صادقی محرمییه وئریب سول یاندا دورموشدور. او بو فرقلی پستدا دا گؤزلنتیلره رغمن یاخشی اویون اوینامیشدیر. او ۸۷-جی دقیقهده مسعود زائر کاظمینه قول پاسی وئرمیشدیر. بو سورهجله اسماعیلیفر میللی تیمده ده اؤزو اوچون اؤزل یئر آچمیشدیر.
دوخسان مشقچیسیز مساوی ائتدی
بیرینجی سویه فوتبال لیگاسینین ۱۰-جو هفتهسینده اورمییهنین دوخسان تیمی تهرانین هوادار تیمینه میزبانلیق ائتمیشدیر. حسین خطیبی، دوخسانین باشمشقچیسی یاریشمادان اؤنجه انصراف ائتمیشدیر. بئلهلیکله دوخسان ایکینجی دفعه اولاراق مشقچیسیز مئیدانا گئتمیشدیر. فنیکادرین یوخلوغوندا باشگاهین باشمودورو، یحیی بهاری تیمین رهبرلیینی اَله آلمیشدیر. اویونون ایلک یاریسیندا دوخسان یاخشی سونوج قازانمیشدیر. اونلار ۳۰-جو دقیقهده علی کیانیفرین شوتو ایله هوادارین داروازاسین آچمیشدیرلار. آنجاق ایکینجی یاریدا حریف داها جیددی اوینایاراق دوخسانین داروازاسین آچمیشدیر. بئلهلیکله یاریشما مساوی سونوجلا باشاچاتمیشدیر.
مشقچی: مربی
سویه: سطح
سونوج: نتیجه
یاریشما: رقابت، مسابقه
اویون: بازی
اؤنجه: قبل
سورهج: فرآیند
گؤزلنتیلر: انتظارات
اؤزل: خاص، ویژه
یئنی: جدید، تازه
قول: گل
شاشیردیجی: تعجب برانگیز
نظرات (0)