خبر ترکی:
تیراختور سوپرلیگانین اولدوزلو تیمی
تیراختور فوتبال تیمی مشق‌لرینین یئنی دؤورونه باشلامیش‌دیر. اونلار بو گون ملوان‌لا اوینامالی‌ایدیلار. آنجاق اونلارین اویونچولارینین بیر چوخو میللی تیمده‌ایدلر. او اوزدن بو یاریشما لغو اولونموش‌دور. میللی تیمین اوردوسو باشاچاتدیقدان سونرا اویونچولار اؤلکه‌یه چاتمیش‌لار. دانیال اسماعیلی‌فر ، مهدی هاشمی‌نژاد ، امیرحسین حسین‌زاده میللی تیمین ترکیبینده پاریلدامیش‌لار. شجاع ایله بیرانوند قاییتدیقدان سونرا تیراختورون ترکیبی اَسکیک‌سیز اولاجاق‌‌دیر. اودیل خامروبکوف دا مصدوم اولدوغو اوچون شارجه-تیراختور یاریشماسیندا اولمایاجاق‌دیر.
شارجه باشاری‌لا تیراختورون قارشیسیندا
شارجه تیراختورون آسیا حریفی، بو گئجه الظفره‌نین قارشیسیندا مئیدانا گئتمیش‌دیر. اونلار اویونو ایکی- هئچه اودموش‌لار. بو شارجه‌نین ایکینجی باشاریسی‌ایدی. بو باشاری‌لا اونلار جدولین اونونجو سیراسینا چاتمیش‌لار. شارجه بو قازانج‌لا گلن هفته تیراختورون قارشیسینا چیخاجاق‌دیر. تیراختور حریف‌لرینه رغمن بو هفته ایران لیگاسیندا اوینامایاجاق‌دیر. اونلار بو هفته مشق ائدیب دینجلدیکدن سونرا شارجه‌نین قارشیسینا چیخاجاق‌لار.
شجاع ایله تیبور تهلوکه آلتیندا
تیراختورون اویونچولارینین ساری کارت‌لاری چوخالمیش‌دیر. دفاع هابئله هافبک خطینده چالیشان اویونچولار محروم اولماغا یاخین‌دیرلار. شجاع خلیل‌زاده سوپرلیگ یاریشمالاریندا اوچ ساری کارت آلمیش‌دیر. او گل‌گهر تیراختور یاریشماسیندا کارت آلارسا پرسپولیسین قارشیسیندا مئیدانا گئده‌بیلمه‌یه‌جک. تیبور حالیلوویچ ده ایکی ساری کارت‌لا تهلوکه‌ده‌دیر. محمد نادری ، اودیل خامروبکوف ، امیرحسین حسین‌زاده‌نین ده بیر ساری کارتی واردیر. آسیا یاریشمالاریندا دا الکساندر سدلار شارجه‌نین قارشیسیندا ساری کارت آلمیش‌دیر. او ایکی ساری کارت آلارسا محروم اولاجاق‌‌دیر. بو مسئله دراقان اسکوچیچ‌‌ین تیمینه پیس ائتکی‌لر بوراخابیلر.
اویون: بازی
اویونچو: بازیکن
یاریشما: رقابت ، مسابقه
دوروم: موقعیت
سون: آخر، پایان
قارشیسیندا: روبرویش
یئنی: جدید، تازه
باشقا: دیگر
باشچی: رئییس
نظرات (0)