خبر ترکی:
تیراختور-پرسپولیس؛ هوادارسیز یادگاردا
سوپرلیگانین دوققوزونجو هفتهسینده تیراختورلا پرسپولیس تیملری یاریشاجاقلار. دوغو آذربایجانین گنجلر و ورزش باشچیسینین دئدیکلرینه گؤره تیراختور باشگاهی پرسپولیسدن یادگار استادیوموندا میزبانلیق ائتمک ایستهییر. بو یاریشما هوادارلار اولمادان کئچیریلهجک. بو اویوندان اؤنجه تیراختور ملوانلا گلگهرین قارشیسیندا اویون اوینایاجاقدیر. تیراختور هلهلیک دوققوز امتیازلا بیرینجیدیر. آنجاق تیمین باشقا تیملری ایله امتیازلارینین آراسیندا چوخ فرق یوخدور. یئنی ایلین فروردین آییندا فوتبال فدراسیونونون استیناف کمیتهسی تیراختورلا پرسپولیسین یاریشماسینین هوادارسیز کئچیریلمهسینه حؤکم ائتمیشدیر.
ایگور؛ میللی تیمه گئتمک ایمکانسیزدیر
ایگور پوستونسکی سون دانیشیغیندا تبریزده یاشاماق هابئله تیراختورون دورومو حاقدا دانیشمیشدیر:« تبریزین چوخ قانی ایستی میللتی واردیر. آنجاق بیز تکجه ناهار-شام اوچون ائشییه گئدیریک. تیراختورون هوادارلارینین سایی چوخ یوخاریدیر. من اسکوچیچین ایستهیی ایله تیراختورا قوشولدوم. اونلارین آراسیندا اولدوغوم اوچون چوخ سئوینیرم.»
نهدن کرواسی میللی تیمینه چاغیریلمادین؟
« کرواسیده میللی تیمه گئتمک چوخ چتیندیر. دونیانین اَن یاخشی هافبک اویونچولاری بیزیم اؤلکهدندیرلر. دیناموزاگربین هاریکا اویونچولاری واردیر. آنجاق یئنه ده میللییه چاغیریلمامیشلار. او اوزدن میللییه گئتمک منیم اوچون ایمکانسیزدیر.
یوهانسون ۲۱ اویون بیرونون یئرینده دوراجاق
مارک یوهانسون یاخلاشیق بیر آی اؤنجهدن تبریزده یاشاماغا باشلامیشدیر. آنجاق اولایلار اونون ایستهدییی کیمی باش وئرمهمیشدیر. او تیراختور اوچون بیر اویون اوینادیقدان سونرا علیرضا بیرانوندین محرومیتی دایاندیریلمیشدیر. او اوزدن نیمکتده اوتورماق مجبوریتینده قالمیشدیر. یوهانسون اَن آزی بیر یاریم فصل تیراختورون داروزاسیندا دوراجاغینی دوشونوردو. او بو دوشونجه ایله تبریزه گلمیشدیر. یاسالارا گؤره تیراختور یاریشمالارینین یوزده آلتمیشیندا اویون اوینامالیدیر. دئمک فصلین سونونا قدر ۲۱ دفعه مئیدانا گئتملیدیر.
اویون: بازی
اویونچو: بازیکن
یاریشما: رقابت ، مسابقه
دوروم: موقعیت
سون: آخر، پایان
قارشیسیندا: روبرویش
یئنی: جدید، تازه
باشقا: دیگر
باشچی: رئییس
نظرات (0)