لوژکیانین اویناماق احتمالی یوخاری‌دیر
رگی لوژکیا رومانی‌نین قهرمان تیمیندن تیراختورا قوشولموش‌دور. رگی یوخاری سویه‌لی بیر اویونچودور. او دراقان اسکوچیچه حمله خطینده یاردیمجی اولابیلر. ایلک یاریشماسیندا آلومینیومون قارشیسیندا مئیدانا گئتدیینده یاخشی اویون اوینامیش‌دیر. آنجاق گؤزلنتی‌لره رغمن اسکوچیچ اونو ترابی‌نین یئرینه اویناتمادی. لوژکیا نیمکت‌دن اویونو ایزله‌مک مجبورییتینده قالمیش‌دیر. بو مسئله‌دن دولایی اسکوچیچه چوخلو انتقادلار اولموش‌دور. او اوزدن فولاد-تیراختور یاریشماسیندا رگی‌نین اویناماق احتمالی یوخاری‌دیر.
کئچن ایل پخمه‌لیک‌ایدی ایندی برابر؟!
ایرانین مرکزچی رسانه‌لری آسیا یاریشمالارینین خبرلرینی غرض کارلیق‌لا پایلاشیرلار. اونلار تیراختورون باشاری‌لارینا گؤز یومورلار. بیر سیرا رسانه‌لر استقلال، سپاهان، تیراختورون آدینی بیر آرایا گتیریب بئله تیتر وورموش‌لار:«آلتی اویون باشاری‌سیزلیق»، آنجاق سپاهان‌لا استقلال گوجسوز تیم‌لره اودوزموش‌لار. اونلارا رغمن تیراختور آسیا یاریشمالارینین بیرینجی سویه‌سینده چالیشیر. تیراختور ایکی ده‌یرلی امتیاز آلمیش‌دیر. اوزمان‌لارین دئدیک‌لرینه گؤره بو ایکی امتیاز «گیزلی باشاری»دیر. کئچن فصل تیراختور آسیا یاریشمالارینین ایکینجی سویه‌سینده چالیشدیغی زامان قول‌لارینین سایی‌سی چوخ یوخاری‌ایدی. اونلار تاجیکستانین روشن کلاب تیمینی یئددی-هئچه اودموش‌دور‌لار.
علی‌بیرو اَسکی مشقچی‌سی‌نین قارشیسیندا
علیرضا بیرانوند تیراختور-فولاد یاریشماسیندا اَسکی مشقچی‌سی، یحیی گل‌محمدی‌نین قارشیسیندا دایاناجاق‌دیر. او اوزدن بو یاریشمادا پارلاماق اوچون انگیزه‌سی یوخاری‌دیر. بیرانوندله یحیی یاخلاشیق دؤرد ایل بیرلیکده چالیشمیش‌لار. علی بیرو الوحده‌نین قارشیسیندا کلین‌شیت ائتدیکدن سونرا روحیه‌سی یاخشیلاشمیش‌دیر. ایندی ایسه تیراختورون داروازاسیندا اؤنملی بیر مهره ساییلیر. فولادین ایشی بیرانوندین قارشیسیندا چوخ چتین‌دیر.
اَسکی: قدیمی
مشقچی: مربی
قارشیسیندا: روبرویش
اؤنملی: مهم
ده‌یرلی: باارزش
باشاریلی: موفق
سویه: سطح
گؤزلنتی: انتظارات
یاریشما: رقابت، مسابقه
ایلک: اولین
اویونچو: بازیکن
نظرات (0)