آسیا داهیلر لیگاسینین ایلک هفتهسینده تیراختورلا شباب الاهلینین بو گونکو یاریشماسیندا سعید عزتاللهینین آدی شبابین تمل ترکیبیندهایدی. آنجاق مرصاد سیفینین بو ترکیبه قوشولماغی گؤزلهنیلمزایدی. مرصاد سیفی، سردار آزمون، سعید عزتاللهی هابئله رضا غندیپوردان سونرا شباب الاهلییه قوشولموشدور. او بو باشگاهلا دؤرد ایللیک سؤزلشمه یازمیشدیر. سون یاریشمالاردا او نیمکتده اوتوروردو. او اوزدن بو آخشام اونون مئیدانا گیرمهسی شاشیردیجی اولموشدور. بو ۲۲ یاشلی اویونچو الاهلییه قوشولدوقدان سونرا بیر دفعه فیفادی یاریشمالاریندا مئیدانا گئدیب قول وورموشدور.
پرسپولیس اولدوزو تیراختورون اوردوسوندا
احمد نوراللهی، پرسپولیسین اَسکی اولدوزو آلیش وئریش گونلرینده یئنیدن بو تیمین فنی کادرینین دیققتینی چکمیشدیر. آنجاق بو گونلر کلبا تیمینده چالیشماقدادیر. تیراختور شباب الاهلی ایله اویناماق اوچون دوبایا گئتمیشدیر. احمد نوراللهی ده دراقان اسکوچیچله گؤروشمک اوچون تیراختورون اوردوسونا گئتمیشدیر. دراقان اسکوچیچ میللی تیمین باشمشقچیسی اولدوغو زامان نوراللهی اونون اویونچوسو اولموشدور. او زامان نوراللهی تیمین اؤنملی مهرهلریندنایدی. او اوزدن بو اویونچو سئودییی مشقچی ایله گؤروشمک اوچون تیراختورون اوردوسونا باش وورموشدور.
بیرو تیراختورون داروازاسینا قاییتدی
تیراختور ایله شباب الاهلی بو گون دوبایین راشد استادیوموندا ساعات ۱۹:۳۰-دا یاریشمیشلار. دراقان اسکوچیچ تیمین دروازاسیندا دهییشیکلیک یاراتمیشدیر. علیرضا بیرانوند سوپرلیگانین ایلک اوچ یاریشماسین محروم اولدوغو اوچون اَلدن وئرمیشدیر. ادیب زارع ایکی یاریشمادا اونون یئرینی دولدورموشدور. سونرا دا تیراختور یئنی قاپیچی ایله سؤزشلمیشدیر. مارکو یوهانسون، سوئدلی قاپیچی تکجه بیر اویون تیراختورون داروزاسین قوروموشدور. آنجاق علیرضا بیرانوندین محرومیت حؤکمو دایاندیریلمیشدیر. او اوزدن اسکوچیچ یئنیدن دروازانی اونا تاپشیرمیشدیر.
قوروماق: محافظت کردن
یاریشما: رقابت، مسابقه
اویون: بازی
اویونچو: بازیکن
سؤزلشمه: قرارداد
یئنی: جدید، تازه
اَسکی: قدیمی
مشقچی: مربی
سون: آخر، پایان
شاشیردیجی: تعجبآور
نظرات (0)