خبر ترکی:
تیراختورون حریفی شباب نه دورومدادیر؟!
یراختور آسیا داهیلر لیگاسینین ایلک هفتهسینده اماراتین شباب الاهلی تیمینه قوناق اولاجاقدیر. دبیین ولیعهدی الاهلی باشگاهینین یییهسیدیر. او اماراتین اَن زنگین شخصلریندندیر. شباب الاهلی هر زامان ایرانلی اویونچولارلا ایشلمهیه ماراقلیدیر. ایندی ایسه سعید عزتاللهی ایله سردار آزمون بو تیمده چالیشماقدادیرلار. ۲۰۱۵-ده بو باشگاه الشباب آدی ایله آسیا قهرمانلار لیگاسیندا ایکینجی اولموشدور. اؤلکهلرینین لیگاسیندا دا ۹ قهرمانلیق اَلده ائتمیشلر. حذفی کاپدا ۱۱ دفعه هابئاه سوپرکاپدا ۷ دفعه قهرمان اولموشلار. اونلار امارات لیگاسینین ایلک اوچ هفتهسینده اوچ اویونو اودوب بیر اویونو مساوی ائتمیشلر.
فدراسیون؛ بیرو دؤردونجو هفته اوینایاجاق
عالی ورزش محکمهسی، ایران فوتبال فدراسیونونا نامه یازاراق علیرضا بیرانوندین محرومیتینین دایاندیریلماسینی بیلدیرمیشدیر. ایندی ایسه بیر گون بو حؤکمدن سونرا اؤلکهنین فوتبال فدراسیونو بو مسئلهنی تأیید ائتمیشدیر. امیرمهدی علوی، فوتبال فدراسیونونون سؤزچوسو بو مسئله حاقدا بئلهجه آچیقلاما وئرمیشدیر:« عالی ورزش محکمهسیندن گلن حؤکمه گؤره هلهلیک علیرضا بیرانوندین پروندهسینین سون رأیی گلن گونه قدر اونون محرومیتی دایاندیریلمیشدیر. فوتبال فدراسیونو اولوسلارآراسی یاسالارا سایغی دویوروق. یارانان بوتون آنلاشمازلیقلاری آرادان قالدیرماق اوچون آراشدیرمالاریمیزا داوام ائدهجهییک.
رگی ترابینین یئرین توتاجاق
رگی لوشکیا، تیراختورا یئنی قوشولان اویونچو، بو هفته آلومینیومون قارشیسیندا مئیدانا گئتمیشدیر. او یاخشی اویون اوینامیشدیر. ووردوغو قولدان علاوه مئیدانین اورتاسینی اَله آلمیشدیر. لوشکیا حمله آپاران بیر هافبکدیر. آنجاق ایندی ایسه ترابینین یئرینی دولدورماق اوچون وینگر پُستوندا چالیشمالیدیر. او تیراختورون مشقلرینده ده یوخاری امتیاز الده ائتمیشدیر. یوحاری احتمال ایله شباب الاهلی تیمینین قارشیسیندا فیکس اوینایاجاقدیر. دئمک بو یاریشمادا تراکتورون بئش-آلتی خاریجی اویونچوسو ایله مئیدایانا گئدهجکدیر. مهدی ترابی همسترینگ ناحیهسیندن مصدوم اولدوغونا گؤره ایکی هفته اویون اوینایا بیلمهیهجکدیر. او اوزدن اسکوچیچ اونون یئرینه باشقا بیر اویونچو اویناتمالیدیر.
حسینزاده بیرینجی قولونو کیمه ووراجاق؟
امیرحسین حسینزاده کئچن فصل ۱۴ قول ایله سوپرلیگانین اَن چوخ قول ووران اویونچوسو سئچیلمیشدیر. آنجاق یئنی فصلده بو اویونچو هله تیراختور اوچون قول وورابیلمهمیشدیر. کافا یاریشمالاریندا قول وورسادا سوپرلیگده هله بو ایشی گؤره بیلمهمیشدیر. آنجاق یئنه ده تیمین ائتکیلی هابئله چالیشقان اویونچولاریندان ساییلیر. امیرحسین شباب الاهلینین قارشیسیندا فصلین ایلک قولونو وورماق پئشینده اولاجاقدیر. او کئچن فصل آسیا لیگاسینین ایکینجی سویهسینده ده پاریلدامیشدیر. هابئله کئچن فصل تیراختور-سپاهان یاریشماسیندا حریفه قول ووراراق تیمه غلبه قازاندیرمیشدیر. بلکه ده ایلک قولونو سوپرلیگانین دؤردونجو هفتهسینده اصفهاندا سپاهان تیمینه ووراجاقدیر.
قول: گل
یاریشما: رقابت
ایلک: اولین
قارشیسیندا: روبرویش
اویونچو: بازیکن
باشقا: دیگری
یئنی: جدید، تازه
مشق: تمرین
آچیقلاما: توضیح
سون: آخر، پایان
محکمه: دادگاه
اولوسلارآراسی:بینالمللی
یاسالار: قوانین
سؤزچو: سخنگو
نظرات (0)