خبر ترکی:
دوخسان سونگونون یاردیمینا گلدی!
مسسونگون، فوتبال لیگاسینین بیرینجی سویهسینده فرقلی سورونلارلا اوزاوزهدیر. اونلارین اؤز ائولرینده ورزشگاهلاری یوخدور. اورمییهنین دوخسان(نود) تیمی سونگونون یاردیمینا گلمیشدیر. باشگاهین رسمی بیلدیریسینه گؤره سونگون اوچونجو هفتهنین اویونون، پارس جنوبی تیمینین قارشیسیندا اورمییهنین باکری ورزشگاهیندا کئچیرمک ایستهییر. دوغو آذربایجانین ورزش سوروملولاری اونلارا بو قونو یاردیمجی اولمامیشلار. او اوزدن یاریشمالارینی اورمییهده کئچیرمک ایستهییرلر. دوخسان باشگاهی بوندان اؤنجه ده سونگونه سؤزلشمهلرینی ثبت ائتمک اوچون یاردیمجی اولموشدور.
شجاع یوزبیر اویون تراکتور اوچون ساواشدی
شجاع خلیلزاده تراکتورون کاپیتانی اوچ فصل یاریم تراکتوردا چالیشدیقدان سونرا یوز بیر یاریشمانین رکوردونو اَلده ائتمیشدیر. او استقلالین قارشیسیندا بو رقمه چاتمیشدیر. بئلهلیکه اؤز آدینی باشگاهین تاریخینده یازمیشدیر. شجاع تراکتورلا سوپرلیگانین قهرمانلیغینی یاشامیشدیر. بو اونودولماز بیر اولایدیر. او ایلک اولاراق عسگرلیک دؤورونو کئچیرمک اوچون تراکتورا قوشولموشدور. سونرا دا سوپرلیگانین ۲۳-جو دؤورونده تبریزه قاییتمیشدیر. او بو گونه قدر تراکتور اوچون یوز بیر یاریشمادا مئیدانا گئتمیشدیر.
تراکتورون قولرینین شاشیردیجی حئکایهسی
علیرضا بیرانوندین یئرینه تراکتورا قوشولماق ایستهین یئنی قاپیچی آلمان فوتبالیندا اؤزل بیر اولای یاشامیشدیر. او آینتراخت ایله شالکه یاریشماسیندا بارماغی سینیق اولدوغونا رغمن آلمانلی تیمین داروازاسین قوروموشدور. بو گونه قدر باشقا تیملرده بارماغی سینیق قاپیچیلار چوخ آزاراق مئیدانا گئتمیشلر. کئچن فصل یوهانسون، اویوندان اؤنجه مئیدانا گیرمک اوچون حاضیر اولاندا ساغ قولوندان یارالانمیشدیر. یوهانسون بو یاریشمانی اَلدن وئرمیشدیر. آنجاق او مصدوم اولدوغونا رغمن تیمین سونراکی یاریشماسیندا مئیدانا گئتمیشدیر. او یاریشما هئچ-هئچه باشاچاتمیشدیر. دئمک بو یاریشما یوهانسونون یاشامینین اَن چتین آنلاریندانایمیش.
شاشیردیجی: تعجبآور
قولر: دروازهبان
قاپیچی: دروازهبان
اؤنجه: قبل
یاریشما: مسابقه
حئکایه: داستان
عسگرلیک: سربازی
قارشیسیندا: روبرویش
ایلک: آغاز، ابتدا
اولای: اتفاق
یاردیم: کمک
سورون: مشکل
سوروملو: مسئول
نظرات (0)