خبر ترکی:
تراکتورون حریفی نه دورومدادیر؟
ورزش آذربایجان خبر وئریر، تراکتورلا استقلال صاباح سوپرلیگانین ایلک هفتهسینده تبریزده یاریشاجاقلار. استقلال ۱۰ اویونچو آلمیشدیر. ریکاردو ساپینتو دا اونلارین نیمکتینه قاییتمیشدیر. استقلالین اوچ اویونچوسو مصدوم اولدوقلاری اوچون مئیدانا گیرهبیلمهیهجکلر. روزبه چشمی، رستم آشورماتوف، جلالالدین ماشاریپوف. بونلاردان علاوه ریکاردو ساپینتو دا محروم اولدوغو اوچون بو یاریشمادا اولمایاجاقدیر. بو ایکی تیمین سون اوچ یاریشماسیندا استقلال تیمی اویونو اودوزموشدور. ایکی یاریشمادا تراکتورون اویونچولاری کامبک ووراراق اویونون سونوجونو دهییشمیشلر.
بیرو هاکی میللی تیمینین قاپیچیسی
علیرضا بیرانوند، تراکتورون قاپیچیسی، محرومیت دؤورونو کئچیرمکدهدیر. بیرو بو گون هاکی فدراسیونونون باشچیسی، بهرام قدیمی ایله گؤروشموشدور. بیرانوند قدیمینین حؤکمو ایله افتخاری شکیلدن هاکی فدراسیونونون هئیأتینه قوشولموشدور. جلسهنین سونوندا بو اویونچو هاکینین قاپیچیلارینین پالتارینی گئینمیشدیر. بیر نئچه دقیقه ده فدراسیونونون هاکی چمنینده داروازا ایچینده دورموشدور. بیرانوند بو تجروبه حاقیندا بئله دئمیشدیر:« چتین بیر دورومدا هاکی میللی تیمینه قاپیچی لازیم اولورسا فخر ایله من بو ایشی بویونوما آلارام. پیتر چک، تانینمیش فوتبال قاپیچیسی اَمَکلی اولدوقدان سونرا هاکی اویناماغا باشلامیشدیر.»
بیرو تراکتورون بیرینجی قولِری
علیرضا بیرانوند محروم اولدوغو اوچون تراکتورلا استقلالین صاباحکی یاریشماسیندا اولمایاجاقدیر. دئمک بیرو ایندی ترکیبیندن ساییلمیر. آنجاق او تراکتورون مشقلرینده بوتون گوجو ایله چالیشماقدادیر. او بو محرومیته باخمایاراق تیمین یانیندا قالمیشدیر. تراکتورون مودورلری یئنی قاپیچی گتیرمک اوچون چالیشماقدادیرلار. آنجاق دانیشیقلاریندا هر زامان بیرانوندی دستکلهمیشلر. نئچه گون اؤنجه اسکوچیچ بیرانوندین محرومیتینی تنقید ائدهرهک اونا آرخا دورموشدور. باشگاهین رسانهسی ده بو قاپیچینین شکیللرینی پایلاشمیشدیر. تراکتور باشگاهی هله ده علیرضا بیرانوندی تیمین بیرینجی قولری ساییر. تیمین یئنی قولری ده بیر نومرهنی گئیینهبیلمهیهجک.
قولر: دروازهبان
قاپیچی: دروازهبان
یئنی: جدید
اؤنجه: قبل
دستک: کمک، حمایت
یاریشما: رقابت، مسابقه
اَمکلی: بازنشسته
باشچی: رئیس
سون: آخر پایان
دوروم: موقعیت، وضعیت
ایلک: آغاز ، شروع
اویونچو: بازیکن
هر آخشام تورکجه ورزش اوخو (353)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزلهیین
نظرات (0)