خبر ترکی:
تراکتورون حمله خطی‌نین گوجو
بو ایل سوپرجام یاریشماسیندا تراکتورون حمله خطی پارلامیش‌دیر. تومیسلاو اشترکال ایله امیرحسین حسین‌زاده بو قهرمانلیق‌دا چوخ اؤنملی رول اوینامیش‌لار. اشترکال استقلالین دفاع خطینه دال با دال حمله آپاراراق اونلارین خطا ائتمک‌لرینه سبب اولموش‌دور. بئله‌لیکله تیم اوچون بیر پنالتی قازانمیش‌دیر. نئچه دقیقه سونرا دا استقلالین دفاع‌سیندان کئچمک‌له ایکینجی قولو وورموش‌دور. امیرحسین حسین‌زاده ده دفعه‌لرجه اویون سوره‌جینده آدانی تهدید ائتمیش‌دیر. او یوخاری اؤز گووه‌نله پنالتی‌نی قول ائلمیش‌دیر. سوپرجام تجروبه‌سی تراکتورون حمله خطی‌نین گوجونو هامییا گؤسترمیش‌دیر.
اشترکالی؛ فلاحین خطاسین گؤردوم
تومیسلاو اشترکالی، تراکتورون کروات مهاجمی، اویون استقلالین نفعینه بیتمک اوزره‌ایکن یاریشمانین سونوجونو ده‌ییشمیش‌دیر. او ۸۷-جی دقیقه‌ده سامان فلاحین خطاسینا سبب اولموش‌دور. بئله‌لیکه بیر پنالتی قازانمیش‌دیر. آنجاق یاریشمانین ۱+۹۰-جی دقیقه‌سینده حریفین داروازاسین آچاراق تراکتورو قهرمانلیغا چاتدیرمیش‌‌دیر. تومیسلاو اویوندان سونرا پنالتی صحنه‌سینه گؤره بئله دئمیش‌دیر:« من استقلال اویونچولارینین دالینداایدیم. توپ اونون اَلینه ده‌یَرکن من گؤردوم . منجه پنالتی‌ایدی.»
ترابی؛ من درویش‌له دانیشمامیشام
مهدی ترابی، سوپرجام یاریشماسیندا قهرمان اولدوق‌دان سونرا اویون حاقدا بئله دئمیش‌دیر:« قهرمانلیق بیزیم حاققیمیزایدی. اویون تام بیزیم الیمیزده‌ایدی. غفیل‌دن یئدیییمیز قولو دا یاخشی‌جا جبران ائتدیک». رضا درویش ترابی‌نین پرسپولیسه قاییتماق ایسته‌دییینی ادعا ائتمیش‌دیر آنجاق ترابی اونو بئله‌جه جاوابلادی:« من سایپا دا اولدوغوم زاماندان بری درویش‌له یاخشی ایلگیم واردیر. آنجاق بو حاقدا اونونلا دانیشمامیشام. بئله بیر دانیشیق‌لارین اولمادیغینی وورغولاماق ایسته‌ییرم. باشگاهدان خبرسیزم آنجاق اؤزومله بو قونودا دانیشان اولمامیش‌دیر».
ساپینونون باشاریسیزلیغی پورتاغال خبرلرینده
ریکاردو ساپینتو استقلالا قاییدارکن ایلک یاریشماسیندا سوپرجام‌دا تراکتورا اودوزموش‌‌دور. اونون باشاریسیزلیغی حاقدا پورتاغال رسانه‌لرینده چوخلو خبرلر یایینلانمیش‌دیر. سی‌ان‌ان:« ریکاردو ساپیونونون استقلالی سوپرجامی اَلدن وئرمیش‌دیر» . آبولا :« ساپینتو قهرمانلیغی تکرار ائده‌بیله‌میش». Noticias ai Minto :« ساپینتو سوپرجامی اَلدن وئردی».
یاریشما: رقابت، مسابقه
باشاری‌سیزلیق: عدم موفقیت
پورتاغال: پرتقال
وورغولاماق: تاکید کردن
قونو: موضوع
سونوج: نتیجه
قول: گل
اؤز گووه‌ن: اعتماد بنفس
سوره‌ج: پروسه
اؤنملی: مهم
هر آخشام تورکجه ورزش اوخو (347)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزله‌یین
نظرات (0)