سونگون اصفهاندا اوچ امتیاز قازاندی
فوتسال سوپرلیگاسی‌نین دؤردونجو هفته‌سینده مس‌سونگون اصفهانین پالایش نفت تیمینه قوناق‌ایدی. سونگون اوچ-بیره اویونو قازانمیش‌دیر. بو یاریشما دوشنبه گونو مرداد آیی‌نین ۲۰-جی گونو ساعات ۱۷-ده نفت اصفهان سالونون‌دا کئچیریلمیش‌دیر. تیمین قول‌لارینی امیرحسین تقوی ۲۷-جی دقیقه‌ده، بهروز عظیمی ۳۲-جی دقیقه‌ده، مهدی رستمی‌ها ۴۰-جی دقیقه‌ده وورموش‌لار. سونگون بو ترکیب‌له اصفهان‌لی‌لاری قارشیلامیش‌دیر:« مهدی رستمی‌ها، بهروز عظیمی ، مهدی مهدی‌خانی، سجاد یوسف‌خواه، محمد نجف‌زنگی».
استقلالین سورپرایزی نیمکتده
استقلالین یئنی اویونچوسو، داکنز نازون چوخ‌لارینین دیققتینی چکمیش‌دیر. بو اویونچو کئچن گون استقلال ایله سؤزلشمه یازمیش‌دیر. استقلال اونون اویون کارتی‌نی دا آلمیش‌دیر. آنجاق تیم‌له مشق ائده‌بیلمه‌دییی اوچون سوپرجام یاریشماسیندا نیمکتده اوتورماق مجبوریتینده قالمیش‌دیر. نازون استقلالا قوشولمادان اؤنجه کایسری اسپور‌لا اوچ گون مشق ائتمیش‌دیر. او اوزدن او بدنسازلیق مشق‌لرینی یاخشی شکیلده تورکییه‌ده کئچیرمیش‌دیر. او فیزیکسل باخیمیندان مئیدانا گیرمک اوچون حاضیردیر.
آلوزین کارتی تراکتورون آدینا
ریکاردو آلوز تراکتورلا اوچ ایللیک سؤزلشمه‌سی اولارکن سپاهان تیمینه قوشولموش‌دور. تراکتور مودورلرینین ادعاسینا گؤره بو اویونچو سؤزلشمه‌سینی پوزمادان سپاهانا گئتمیش‌دیر. او اوزدن هله ده تراکتورون اویونچوسو ساییلیر. بو گون( دوشنبه) لیگ قورومو آلوزین اویون کارتی‌نی تراکتورون آدینا یازمیش‌دیر. سپاهان باشگاهی هله بو مسئله‌یه تپکی گؤسترمه‌میش.
بیرو تراکتورون آرخاسیندا
بو گون سوپرجام یاریشماسی استقلال ایله تراکتور تیم‌لرینین آراسیندا کئچیریلمیش‌دیر. بیرانوند دؤرد آیلیق محروم اولدوغو اوچون بو یاریشمایا قاتیلابیلمه‌میش‌دیر. آنجاق اینستاگرام حسابیندا بیر استوری پایلاشاراق تیمی دستکله‌میش‌دیر. او بو حاقدا بئله یازمیش‌دیر:« سیزین یانینیزدا دئییلم آنجاق اوره‌ییم سیزینله‌دیر یولداش‌لاریم. اومید ائدیریم یئنی فصلی باشاری ایله باشلارسینیز. ایلک آددیم‌لارینیزدا ایلک کاپی الده ائتمه‌نیزی آرزولاییرام. بوتون یاخشی‌لیق‌لار بو یاریشمادا سیزین اولسون». تراکتور بو گون اصفهاندا استقلال تیمی‌نی سوپرجام یاریشماسیندا اوداراق فصلین ایلک کاپینی الده ائتمه‌میش‌دیر.
یاریشما: رقابت، مسابقه
اؤنجه: قبل
شاشیرماق: تعجب کردن
اؤیه: اعضا
آچیقلاما: توضیح
چاتیشما: درگیری
سونوج: نتیجه
اویون: بازی
یاریم‌چیق: ناتمام، نصفه نیمه
یئنی: جدید
قاپیچی: دروازه‌بان
ایلک: آغازین ابتدایی
دوروم: موقعیت، وضعیت
نظرات (0)