خبر ترکی:
بیرونون محرومیتی ادیبین فورصتی
علیرضا بیرانوندین حؤکمو گلدیکدن سونرا تراکتورچولارین نیگرانچیلیغی تیمین داروازاسینینین دورومونا گؤره داها دا آرتمیشدیر. تراکتور فرقلی قاپیچیلاری آراشدیردیغینا رغمن هئچ بیریسی ایله آنلاشابیلمهمیش. او اوزدن اؤنملی بیر یاریشمایا یاخینلاشارکن ادیب زارعینین رولو تیمده داها دا اؤنملی اولموشدور. زارعی کئچن فصل بورج اولاراق فولاد تیمینه قوشولموشدور. آنجاق ایندی تراکتورا قاییتمیشدیر. بیرونون محروم اولماسی بو قاپیچی اوچون یاخشی فورصتلر یارادابیلر. او سوپرجام یاریشماسیندا تراکتورون داروازاسینی قورویاراق اؤز فوتبال باجاریقلارینی دونیایا گؤسترهبیلر.
سوپرجام استادیومونون توتومو یاری اولدو
سوپرجام یاریشماسی تراکتورلا استقلال تیملری آراسیندا مرداد آیینین ۲۰-جی گونو اصفهانین نقش جهان استادیوموندا کئچیریلهجک. آنجاق اصفهاندا استقلالچیلار داها چوخ اولدوقلاری اوچون اونلارین دورومو داها یاخشی اولاجاقدیر. آنجاق بو گونکو اوتورومون سونوجوندا داها عدالتی شکیلده یاریشماق اوچون استادیومون توتومونون یاریسی هر ایکی تیمه وئریلهجکدیر. او اوزدن تکجه اوتوزبیرمین بلیت ساتیلاجاقدیر. بلیطلرین مین بئش یوزو قادینلار اوچوندور. دئمک هر تیمین هوادارلاری اوچون اونبئشمین سکی نظرده آلینمیشدیر.
هاشمنژاد؛ آلوز اوچون اوغورلار دیلهییرم
مهدی هاشمینژاد سککیز قول، سککیز قول پاسی ایله تراکتورون پارلاق اولدوزلارینداندیر. او بوگونکو دانیشیغیندا تراکتور سون مسئلهلری حاقدا دانیشمیشدیر:« تورکییهده یاخشی مشق ائتدیک. تیمین دورومو یاخشیدیر. سوپرجام یاریشماسینی اوداراق سوپرلیگی یاخشی روحیه ایله باشلایابیلریک. بیزیم تک آماجیمیز قهرمانلیقدیر. بیرانوند کئچن فصل تراکتورون قهرمانلیغیندا اؤنملی رول اوینامیشدیر. او داها گوجلو اؤز یئرینه قاییداجاقدیر. آلوز ایله من بیر ایلده تراکتورا قوشولدوق. یاخشی ایلگیمیز وارایدی. تراکتوردان آیریلماق نهدهنینی بیلمیرم. اونون اوچون اوغورلار دیلهییرم.»
مشهد استادیومونون سورونلاری
مشهد استادیومو(امام رضا آدلی استادیوم) میزبانلیق اوچون سئچیلدیی زامان فرقلی اولایلار باشوئرمیشدیر. تراکتورلا استقلالین یاریشماسی سوپرلیگانین ایلک هفتهسینده مشهدده کئچیریلهجکدیر. آنجاق تجروبهلره کسینلیکله بو سؤزو دئمک اولماز. میللی تیمله لبنان تیمینین یاریشماسیندا قادینلار بلیت آلدیقلارینا رغمن استادیوما گئدهبیلمهمیشلر. استادیوما گیرمک ایستهدیکلری آن گؤزیاشآردیجی گازلارلا اونلارا اوز اوزه اولموشلار. سون زامانلار دا ایرانلا قوزئی کورهنین یاریشماسی دا مشهدده کئچیریلهجکایدی آنجاق سون آنلاردا یاریشمانین یئری دهییشیلمیشدیر. تراکتورلا استقلال یاریشماسیندا بو سورونلار ایکی تیمین قارشیسینا چیخمایاجاقمی؟ اویون یئرینین دهییشیلمک ایمکانی واردیمی؟
قاپیچی: دروازهبان
دوروم: موقعیت، وضعیت
یاریشما: رقابت، مسابقه
اؤنملی: مهم
ایلگی: ارتباط رابطه
نهدن: دلیل، سبب
اوغور: سعادت، موفقیت
اوتوروم: جلسه، نشست
سونوج: نتیجه
توتوم: تصمیم
آراشدیرما: بررسی کردن
سورون: مشکل
هر آخشام تورکجه ورزش اوخو (341)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزلهیین
نظرات (0)