آلوز تراکتورا یاخین‌لاشدی
ریکاردو آلوز ، تراکتورلا اولان سؤزلشمه‌سینی بیر طرفلی اولاراق پوزماق ایسته‌ییردی. آنجاق سؤزلشمه‌ده اولان آغیر بندلردن دولایی اؤز توتوموندان گئری اوتورموش. بو اویونچو استانبول‌دا باشگاهین مودورلری‌له گؤروشدوکدن سونرا تیمه قوشولماق اوچون اونلارلا آنلاشمیش‌دیر. او اوزدن گلن ایکی گونون ایچینده اسکوچیچ‌ین شاگردلرینه قوشولماق احتمالی واردیر.آنجاق آلوز مشق‌لرین بیر چوخ بؤلومونو اَلدن وئرمیش‌دیر. اونون پوستوندا ایکی یئنی اویونچو دا تیمه قوشولموش‌دور. بو دوروم‌دا ریکاردو آلوز تیمه قاییدارکن اسکوچیچ‌ین گووه‌نینی قازانابیله‌جک‌می؟
بیرانوند تراکتوردان آیریلماق ایسته‌مه‌ییر
بو گون علیرضا بیرانوندین تراکتوردان آیریلاراق استقلالا قوشولماق ایسته‌دییی حاقدا شایعهلر یایینلانمیش‌دیر. سعید مظفری‌زاده، تراکتور باشگاهی‌نین مودورو بو شایعه‌لری رد ائده‌ره‌ک وورغولامیش‌دیر:« بیرانوندین تیم‌دن آیریلماق اوچون هئچ بیر ایسته‌یی اولمامیش‌دیر. او بیزیم اویونچوموزدور. باشقا اویونچولاریمیزا تای باشگاه اونون آرخاسیندادیر.» مهرداد محمدی‌نین تراکتورا قوشولماسی استقلال‌چی‌لاری چوخ اینجیتمیش‌دیر. بو شایعهلر اونلاری ساکین‌لشدیرمک اوچون ده یارانمیش اولابیلر.
تراکتور یئنی رکورد یازدی
تراکتور سککیز یابانچی اویونچو ایله رکورد قیردی. ایکی آی اؤنجه محمدرضا زنوزی، یابانچی اویونچولارین سهمیه‌سی‌نین چوخالماسینی ایستهمیشدیر. یئرلی اویونچولار یوخاری رقم‌لر ایسته‌دیک‌لرینه گؤره تراکتور بو بازاردان اویونچو آلماق ایسته‌مه‌میش‌دیر. تورکییه اوردوسو باشلانمامیشدان اؤنجه ایکی یابانچی مشقچی ده تیمه قوشولموش‌دور. تیمده چالیشان کروات اویونچولارین سایی‌‌سی دؤرده چاتمیش‌دیر. اونلار اسپانیا لیگاسیندان دا اویونچو آلمیش‌لار. هابئله اوروپالی بیر قاپیچی ایله ده دانیشیق آپارماق‌دادیر‌لار.
بیرو؛ من قانونا باش اَییرم
علیرضا بیرانوند بو گون اینستاگرام حسابیندا بیر ویدئو پایلاشاراق فدراسیونون حؤکمونه سایغی‌لا یاناشدیغینی آچیقلامیش‌دیر. بو قاپیچی پرسپولیس باشگاهی‌نین هوادارلاری و مودورلریندن عوذر ایستهمیشدیر. هابئله تراکتورون هوادارلارینا، فنی کادرینا، اؤزللیکله باشگاهین یییه‌سینه اونا دستک اولدوق‌لاری اوچون اؤز تشککورونو بیلدیرمیش‌دیر. او سؤزلری‌نین داوامیندا دونیا کاپی‌نین یاریشمالاریندا میللی تیمده هابئله آسیا یاریشمالاریندا تراکتور اوچون داها دیققتلی چالیشماق ایسته‌دییینی وورغولامیش‌دیر.
سؤزلشمه: قرارداد
توتوم: تصمیم، قرار
گئری اوتورماق: عقب نشینی کردن
مشق: تمرین
دوروم: موقعیت، وضعیت
یئنی: جدید، تازه
گووه‌ن: اعتماد
وورغولاماق: تاکید کردن
یابانچی: خارجی
مشقچی: مربی
دستک اولماق: کمک کردن، حمایت کردن
قاپیچی: دروازه‌بان
یاریشما: رقابت، مسابقه
هر آخشام تورکجه ورزش اوخو (325)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزله‌یین
نظرات (0)